Bókasafn Dalvíkurbyggðar auglýsir laust starf í sumarafleysingum á bókasafni og á upplýsingamiðstöð.
Atvinnuauglýsing fyrir Bókasafn Dalvíkurbyggðar
Bókasafn Dalvíkur auglýsir laust til umsóknar 100% starf í sumarafleysingum á bókasafninu sem staðsett er í Menningarhúsinu Bergi.
Æskilegt er að starfsmaður geti hafið störf í enda maí og unnið fram í miðjan september. Um er að ræða fastar vaktir og annan hvern laugardag. Umsækjandi þarf að hafa náð 18 ára aldri og æskilegt er að hann hafi stúdentspróf eða aðra sambærilega menntun.
Við óskum eftir starfsmanni með sérstaklega ríka þjónustulund, góða tungumálakunnáttu og frumkvæði í starfi. Góð tölvukunnátta er skilyrði til að geta sinnt verkefnum bæði á bóka og skjalasafni sem og í upplýsingamiðstöð fyrir ferðamenn. Bókasafnið og upplýsingamiðstöð Dalvíkurbyggðar vinna í náinni samvinnu hvort annað enda bæði staðsett í Menningarhúsinu Bergi. Umsækjandi í bókasafni þarf því að vera tilbúin að sinna verkefnum í upplýsingamiðstöð til jafns á við verkefni bókasafnsins.
Laun eru samkvæmt kjarasamningum sveitafélaga.
Umsóknarfrestur er til 14. apríl. Umsóknum ásamt ferilskrá má skila á Bókasafn Dalvíkurbyggðar eða á netfangið: bjork@dalvikurbyggd.is.
Allar frekari upplýsingar veitir Björk Hólm í síma 460 4930 eða á netfanginu bjork@dalvikurbyggd.is
Atvinnuauglýsing fyrir upplýsingamiðstöð í Bergi
Dalvíkurbyggð auglýsir laust til umsóknar rúmlega 80% starf í upplýsingamiðstöð sem staðsett er í Menningarhúsinu Bergi.
Umsækjandi þarf að hafa náð 18 ára aldri og æskilegt er að hann hafi stúdentspróf eða aðra sambærilega menntun. Ráðningartímabilið er frá júní fram í enda ágúst og er unnið á föstum vöktum og annanhvern laugardag.
Starfsmaður verður í daglegum samskiptum við ferðamenn af ólíkum þjóðernum og er góð tungumálakunnátta því afar mikilvæg. Upplýsingamiðstöðin og Bókasafn Dalvíkurbyggðar vinna í nánu samstarfi og
nær hluti af starfi starfsmanns í upplýsingamiðstöð einnig yfir verkefni á bókasafninu. Umsækjandi þarf því að vera sveigjanlegur í starfi og vera tilbúin að sinna verkefnum á bókasafni til jafns á við verkefni upplýsingamiðstöðvar.
Helstu verkefni á upplýsingamiðstöð snúa að upplýsingagjöf til ferðamanna og samskipta við ferðaþjónustuaðila á svæðinu. Starfsmaður mun bera ábyrgð á framboði bæklinga í upplýsingamiðstöð ásamt því að halda skráningu á gestum sem sækja miðstöðina.
Mikilvægt er að umsækjandi búi yfir mikilli tölvufærni og geti nýtt sér upplýsingatækni í starfi. Mikil áhersla er lögð á frumkvæði í starfi og skipulögð vinnubrögð. Umsækjandi þarf að hafa ríka þjónustulund og sýna framúrskarandi hæfni í mannlegum samskiptum. Að lokum er farið fram á þekkingu á ferðaþjónustu og er staðbundin þekking einnig æskileg. Reynsla af sambærilegum störfum er ekki skilyrði en álitið sem kostur.
Laun eru samkvæmt kjarasamningum sveitafélaga.
Umsóknarfrestur er til 14. apríl. Umsóknum ásamt ferilskrá má skila á Bókasafn Dalvíkurbyggðar eða á netfangið: bjork@dalvikurbyggd.is.
Allar frekari upplýsingar veitir Björk Hólm í síma 4604930 eða á netfanginu bjork@dalvikurbyggd.is