Moya

Sunnudagana 10. OG 24. nóvember kl. 12:00-13:00 GONGslökun &hugleiðsla með Heiðrúnu Villu Frítt inn í boði Dalvíkurbyggðar

Fimmtudagur 14. nóvember kl. 10:30 Börnin í Dalvíkurbyggð verða með dagskrá í Bergi að tilefni Dags íslenskrar tungu, sem er 16. nóvember. Öll velkomin.

Rithöfundarnir Benný og Ása Marin eru á ferð um landið og verða hjá okkur á Bókasafni Dalvíkur föstudaginn 15. nóvember klukkan 16.30. Þær eru báðar með nýútkomnar skáldsögur sem þær munu lesa upp úr og jafnframt bjóða þær bækur til kaups og áritunar. Hittumst í Hellisgerði eftir Ásu Marin er notalegur ljúflestur í skammdeginu um ást og jólahátíð sem gæti orðið einmanaleg. Speglahúsið eftir Benný Sif Ísleifsdóttur er í senn samtímasaga og sögulegt skáldverk um þrjár konur á tvennum tímum innan um sömu speglana. Heitt kaffi á könnunni og allir velkomnir ❤ _____________________________________________________________ Í bókatíðindum hljóma kynningar á bókunum svona: Hittu mig í Hellisgerði eftir Ásu Marin: „Bráðskemmtileg og rómantísk vetrarsaga. Jólin hafa verið eyðilögð fyrir Snjólaugu. Barnsfaðir hennar ætlar að vera erlendis með dóttur þeirra í þrjár heilar vikur yfir hátíðarnar og Snjólaug sér fram á afar einmanalegt aðfangadagskvöld. En þá fær hún hugljómun: Hún ætlar að finna ástina í tæka tíð fyrir klukknahringinguna í Ríkisútvarpinu.“ Speglahúsið eftir Benný: „Miðaldra hárgreiðslukonan Rósa leggur skærin á hilluna, flytur austur í Mjóafjörð og kemur á fót óvenjulegri ferðaþjónustu. Meðan ferðamenn setja sig í spor Lísu, sem lá lömuð þar um miðja síðustu öld, bakar Rósa fyrir kaffihúsið og hugsar til ömmu sinnar sem sá um Lísu og heimilið. Mögnuð saga frá höfundi Hansdætra.“

Þriðjudagur 19. nóvember kl. 14:30-16:30 verður föndur á bókasafninu - Aðventuþema? Hver veit!