Vorverk
25. maí 2019
Nú er tími fyrir ýmis vorverk í Árskógarskóla. Í vikunni hjálpuðust börnin að við að setja niður kartöflur. Einnig gróðursettu nemendur 1.-6. bekkjar 80 birkiplöntur á Brimnesborgum. Birkið fengum við frá Yrkjusjóði sem er sjóður æskunnar til ræktunar landsins. Sjóðurinn úthlutar trjáplöntum til grunnskólabarna og allir grunnskólar landsins geta sótt. Í næstu viku munum við tína rusl við og í umhverfi Árskógarskóla.