Skólaráð

Sveitarstjórn getur ákveðið að skólaráð grunnskóla og foreldraráð leikskóla starfi sam­eigin­lega í einu ráði í samreknum leik- og grunnskóla, skv. 45. gr. laga um grunnskóla. Ákvæði þetta gildir einnig um skóla þar sem tvö eða fleiri sveitarfélög hafa samvinnu um rekstur hans, sbr. 1. mgr. 45. gr. laga nr. 91/2008 um grunnskóla
------------------------------------------------------------------------------------------------------
Skólaráð Árskógarskóla er samráðsvettvangur skólastjóra og skólasamfélags.
 
Í ráðinu skulu sitja:
  • skólastjórnandi sem boðar fundi og stýrir þeim
  • fulltrúi grunnskólakennara
  • fulltrúi leikskólakennara
  • fulltrúi annars starfsfólks
  • fulltrúi barna á leikskólaaldri (mögulega einnig fulltrúi grenndarsamfélags)
  • fulltrúi barna á grunnskólaaldri (mögulega einnig fulltrúi grenndarsamfélags)
 
Hlutverk skólaráðs:
  1. fjallar um skólanámskrá, rekstraráætlun, starfsáætlun og aðrar áætlanir um skóla­starfið,
  2. fjallar um fyrirhugaðar meiriháttar breytingar á skólahaldi og starfsemi skóla og gefur umsögn áður en endanlegar ákvarðanir um þær eru teknar,
  3. tekur þátt í að móta stefnu og sérkenni skóla og tengsl hans við grenndar­samfélagið,
  4. fylgist með öryggi, húsnæði, aðstöðu, aðbúnaði og almennri velferð nemenda,
  5. fjallar um skólareglur, umgengnishætti í skólanum,
  6. fjallar um erindi frá skólanefnd sveitarfélags, foreldrafélagi, kennarafundi, al­menn­um starfsmannafundi, nemendafélagi, einstaklingum, mennta­mála­ráðuneyti, öðrum aðilum varðandi málefni sem talin eru upp í þessari málsgrein og veitir umsögn sé þess óskað,
  7. tekur þátt í öðrum verkefnum á vegum skólanefndar að fengnu samþykki sveitar­stjórnar.
 
Skólaráð fjallar ekki um málefni einstakra nemenda, foreldra eða starfsfólks skóla.
 
Skal kosning til skólaráðs fara fram í september (fyrst 2012) og kosið til tveggja ára. Fundir eru að jafnaði þrisvar á vetri.

Veturinn 2023-2024 sitja í ráðinu:

Friðrik Arnarson, skólastjóri
Helga Lind Sigmundsdóttir, deildarstjóri
Karen Dögg Úlfarsdóttir Braun, fulltrúi grunnskólakennara
Anna Sólveig Jónasdóttir, fulltrúi annars starfsfólks
Freydís Inga Bóasdóttir, fulltrúi foreldra barna á grunnskólaaldri og grenndarsamfélags