Árshátíð

Nú fyrir páska var árshátíð Dalvíkurskóla haldin með pompi og prakt samkvæmt hefð. Þema árshátíðarinna að þessu sinni var „SÖNGLEIKIR“ og völdu bekkirnir sér leikrit úr ýmsum áttum, allt frá Dýrunum í Hálsaskógi til Mamma Mia – með viðkomu hjá Dóru landkönnuði. Óhætt er að segja að sýningin hafi slegið í gegn, aðsóknarmet var sett og voru sýningargestir sammála um að hér hafi verið frábær skemmtun á ferðinni. Sýningin var afrakstur mikillar vinnu nemenda og starfsfólks en þrotlausar æfingar höfðu farið fram í skólanum í nokkrar vikur fyrir sýningu. Mikill metnaður var lagður í atriðin, bæði leik og söng, að ógleymdum frábærum búningum og vandaðri förðun.

Starfsfólk og nemendur þakka áhorfendum fyrir komuna og hlakka til að sjá ykkur á næstu árshátíð.

Hér má sjá myndir frá árshátíðinni.