Þemadagar hjá 5. og 10. bekk

Krakkar í 5. og 10 unnu saman í umhverfisþema í  síðustu viku. Ýmis verkefni voru í boði m.a kassabílasmíði, bátsmíði, sveitaferð, skreytingarlist og flóamarkaður. Vinna gekk einstaklega vel og gaman að sjá hvað margir fengu tækifæri til að vinna að sínum hugðarefnum. Heimilisfólkið á Ytra-Garðshorni tók á mót i sveitahóp og fengu nemendur þar að aðstoða við sveitarstörf.  Húsamiðjan var okkur innan handar með efni  fyrir bátasmíði og kassabílagerð og einnig höfðu nemendur tækifæri til að fara á gámasvæði til að nálgast efni.  Flóamarkaðurinn fékk aðstöðu í Samkaup-Úrval.  Hóparnir sem völdu að skreyta, máluðu súlur í skólanum og aðrir unnu að skreyta kennsluborð með mosaiki.