Veitu- og hafnaráð Dalvíkurbyggðar - 83, frá 06.03.2019

Málsnúmer 1903003F

Vakta málsnúmer

Sveitarstjórn - 311. fundur - 19.03.2019

Til afgreiðslu:
3. liður.
  • .1 201902137 Hafnarreglugerð fyrir Hafnasjóð Dalvíkurbyggðar
    Kominn er tími til að endurskoða Reglugerð fyrir Hafnasjóð Dalvíkurbyggðar en núgildandi reglugerð er frá árinu 2008. Fyrir fundinum liggja drög að breytinum þar sem er búið að staðfæra hana að Samþykkt um stjórn Dalvíkurbyggðar. Veitu- og hafnaráð Dalvíkurbyggðar - 83 Lögð fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.
  • .2 201601021 Enduskoðun áhættumats og verndaráætlun.
    Með rafpósti frá 05.01.2016 barst eftirfarandi:
    "Samkvæmt Evrópureglugerð nr. 725/2004 um að efla vernd skipa og hafnaraðstöðu og 35. gr. reglugerðar nr. 265/2008 um framkvæmd siglingaverndar þarf að fara fram heildarendurskoðun á áhættumati og verndaráætlun hafnaraðstöðu á fimm ára fresti hjá höfnum sem falla undir reglur Siglingaverndar. Síðasta heildarendurskoðun á áhættumati og verndaráætlun fyrir Dalvíkurhöfn fór fram árið 2009 og hefði því átt að fara fram árið 2014."

    Erfitt hefur reynst að nálgast frumgögnin en þau eru komin í hús núna svo hægt var að uppfæra þau m.t.t. nafnabreytinga og aðrar minni háttar viðbætur. Við þær miklu breytingar sem framundan eru vegna tilkomu Austurgarðs verður nauðsynlegt að endurskoða verndaráætlun Dalvíkurhafnar aftur í upphafi næsta árs.
    Verndaráætlunin, sem hér er til umfjöllunar, hefur verið send til Samgöngustofu sem er með hana til yfirferðar.
     Veitu- og hafnaráð Dalvíkurbyggðar - 83 Lagt fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.
  • .3 201903011 Austurgarður, þekja og rafmagnsmál.
    Við gerð fjárhagsáætlunar 2019 var gert ráð fyrir að bjóða út frágang á þekju, rafmagnsvinnu vegna landtengingu skipa og lýsingu svæðisins. Ný gerð útboðsganga langt komin og óskar sviðstjóri heimildar ráðsins til að bjóða þessa verkþætti út nú í mars, í tvennu lagi, þ.e. jarð- og lagnavinnu og þá verkþætti sem snúa að rafmagni. Niðurstaða útboðanna verða svo á fundi ráðsins í apríl. Veitu- og hafnaráð Dalvíkurbyggðar - 83 Veitu- og hafnaráð samþykkir samhljóða með fimm atkvæðum að heimila sviðstjóra að bjóða út verkþætti þekju og rafmagns vegna Austurgarðs samkvæmt fyrirliggjandi gögnum. Niðurstaða þessa fundar Samþykkt Bókun fundar Sveitarstjórn samþykkir samhljóða með 7 atkvæðum ofangreinda afgreiðslu veitu- og hafnaráðs um útboð.
  • .4 201902167 Varðandi eyðingu á vargfugli
    Bréf barst frá Meindýravörnum Norðurlands, dagsett 27.02.2019, þar sem kynnt var eyðing á vargfugli í Dalvíkurbyggð. Veitu- og hafnaráð Dalvíkurbyggðar - 83 Lagt fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.
  • .5 201902129 Reglugerð fyrir Hitaveitu Dalvíkur, endurskoðun 2019
    Kominn er tími til að endurskoða Reglugerð fyrir Hitaveitu Dalvíkur, en núgildandi reglugerð er frá árinu 1999. Fyrir fundinum liggja drög að breytinum þar sem er búið að staðfæra hana að Samþykkt um stjórn Dalvíkurbyggðar. Veitu- og hafnaráð Dalvíkurbyggðar - 83 Lögð fram til kynningar. Niðurstaða þessa fundar Lagt fram til kynningar Bókun fundar Lagt fram til kynningar.
  • .6 201902133 Mánaðarlegar stöðuskýrslur bókhalds vs. áætlun 2019
    Málið tekið af dagskrá. Veitu- og hafnaráð Dalvíkurbyggðar - 83 Niðurstaða þessa fundar Lagt fram til kynningar Bókun fundar Lagt fram til kynningar.
  • .7 201901044 Deiliskipulag Hauganesi
    Með innsendu erindi dags. 20. febrúar 2019 óskar sviðsstjóri umhverfis- og tæknisviðs eftir umsögn veitu- og hafnarsviðs á skipulagslýsingu fyrir deiliskipulag Hauganess. Veitu- og hafnaráð Dalvíkurbyggðar - 83 Veitu- og hafnaráð vekur athygli á því að fyrirhugað deiliskipulag nær yfir hafnasvæðið á Hauganesi og óskar eftir því að haft verði samráð við ráðið varðandi þá uppbyggingu sem skipulagið mun taka til á hafnasvæðinu. Einnig er nauðsyn á því að færa inn á uppdráttinn þau mannvirki sem eru fyrir á svæðinu. Jafnframt óskar ráðið eftir því að mörk hafnasvæðis verði endurskoðað í tengslum við þá vinnu sem framundan er.
    Að öðru leyti gerir ráðið ekki athugasemdir við fyrirhugað deiliskipulag.     Niðurstaða þessa fundar Lagt fram til kynningar Bókun fundar Lagt fram til kynningar.
  • .8 201402123 Deiliskipulag Fólkvangs
    Með innsendu erindi dags. 18. febrúar 2019 óskar sviðsstjóri umhverfis- og tæknisviðs eftir umsögn veitu- og hafnarsviðs vegna skipulagslýsingar fyrir deiliskipulag Fólkvangsins í Böggvisstaðarfjalli. Veitu- og hafnaráð Dalvíkurbyggðar - 83 Veitu- og hafnaráð gerir ekki athugasemdir við fyrirhugað deiliskipulag útfrá þeim hagsmunum sem snýr að ráðinu. Niðurstaða þessa fundar Lagt fram til kynningar Bókun fundar Lagt fram til kynningar.

    Enginn tók til máls um fundargerðina og annað í fundargerðinni þarfnast ekki afgreiðslu sveitarstjórnar. Þeir liðir sem ekki þarfnast afgreiðslu eru því lagðir fram til kynningar í sveitarstjórn.